Brahmamudi October 16 Today Episode: ఈరోజు ఎపిసోడ్ లో కనకం, కృష్ణమూర్తి ఇద్దరూ రాజ్ వాళ్ళ ఇంటికి వస్తారు. అప్పుడు రుద్రాణి వాళ్ళిద్దరిని చూసి అవమానించే విధంగా మాట్లాడుతుంది. వెంటనే చిట్టి రుద్రాణిపై మండిపడుతూ మందలిస్తుంది. వాళ్లు నీకు కన్యాదానం చేసిన వాళ్లు, దానం తీసుకున్న దానివి ఒక మెట్టు కిందనే ఉండాలి అంటూ కనకం దంపతులని కూర్చోమని ఆహ్వానిస్తుంది చిట్టి. ఆ తర్వాత అందరూ కూర్చొని యోగక్షేమాల గురించి, చెడ్డల గురించి మాట్లాడుకుంటూ ఉండగా అప్పుడు కనకం అసలు విషయం గురించి మాట్లాడుతూ స్వప్నను మాతో పాటు మా ఇంటికి తీసుకెళ్దాం అనుకుంటున్నాము అని అంటుంది.
రుద్రాణిపై మండిపడిన చిట్టి
అప్పుడు రుద్రాణి వెటకారంగా ఆ పని చేయండి లేదంటే తనకి ఏం జరిగినా మేమే ఏదో చేసేసాం అంటారు. తనకి కాపలా కాస్తూ ఎవడు కూర్చుంటాడు అంటుంది రుద్రాణి. అంటే సీమంతం సంగతి ఏం చేద్దాం అనుకుంటున్నావు అని కోప్పడుతుంది చిట్టి. ఓహో అదొకటుంది కదా మర్చిపోయాను అంటుంది రుద్రాణి. అప్పుడు చిట్టి స్వప్న ప్రెగ్నెంట్ గా ఉన్నప్పుడు తీసుకోవలసిన జాగ్రత్తల గురించి తెలియటం లేదు, తనని నీకంటే బాగా ఎవరు చూసుకుంటారు అందుకే తనని చూసుకోవటానికి నువ్వే ఇక్కడ ఉండవచ్చు కదా అంటుంది చిట్టి.
దాంతో చిట్టి మాటలకు స్వప్న కావ్య ఇద్దరూ భయపడుతూ టెన్షన్ పడుతూ ఉంటారు. అప్పుడు వెంటనే అపర్ణ మంచి కేర్ టేకర్ ని పెట్టుకోవచ్చు కదా అనగా, కావ్య కూడా అమ్మ ఇక్కడ ఉండడం వద్దులే అనగా చిట్టి ఎవరి మాటలు పట్టించుకోకుండా కనకంని వాళ్ళ ఇంట్లోనే ఉండమని అంటుంది. అమ్మకు మించిన కేర్ టేకర్ ఎవరు ఉంటారు అంటుంది దాంతో కనకానికి అక్కడ ఉండిపోక తప్పదు. ఆ తర్వాత కృష్ణమూర్తి నేను వెళ్తాను అని చెప్పి బయటకు వెళ్ళగా వెంటనే కనకం తన భర్తతో పాటు బయటకు వెళ్లి ఏదో చూడ్డానికి వస్తే ఇక్కడ ఉండిపోవాల్సి వచ్చింది.
గిల్టీగా ఫీల్ అవుతున్న అప్పు..
నాకు బట్టలు పంపించండి అంటుంది. పోనీలే నీ ముద్దుల కూతురి కోసమే కదా అంటాడు కృష్ణమూర్తి. ఇప్పుడు నా ముద్దుల కూతురు స్వప్న కాదు కావ్య అంటుంది కనకం. అప్పుడే పార్టీ మార్చేశావా అని నవ్వుతాడు కృష్ణమూర్తి. అతనికి జాగ్రత్తలు చెప్పి ఇంటికి పంపిస్తుంది కనకం. మరొకవైపు అప్పు ఇంట్లో చీర కట్టుకొని అద్దంలో తనని తాను చూసుకుంటూ కళ్యాణ్ అన్న మాటలను గుర్తు చేసుకుంటూ గిల్టీగా ఫీల్ అవుతూ ఉంటుంది.
అప్పుడు పదేపదే కళ్యాణ్ అన్న మాటలు గుర్తుకు రావడంతో కట్టుకున్న చీరను విప్పి పక్కన పడేస్తుంది. ఇంతలోనే కాలింగ్ బెల్ మోగడంతో వెళ్లి చూడగా అక్కడికి కళ్యాణ్ రావడంతో కళ్యాణ్ ని చూసి మరింత కోపంతో రగిలిపోతూ ఉంటుంది అప్పు. సారీ నీకు అలాంటి గిఫ్ట్లు నచ్చవని తెలుసు అయినా అనామిక ఆడపిల్ల, మనసు అంటూ ఏవేవో చెప్పి ఈ చీర నీకు ఇచ్చింది అంటాడు కళ్యాణ్. నచ్చలేదు ఎవరు చెప్పారు నాకు ఆ చీర బాగా నచ్చింది అంటుంది అప్పు. అక్కడే కిందపడి ఉన్న చీరని చూస్తాడు కళ్యాణ్. ఆ చీరని చూస్తేనే తెలుస్తుంది నీకు నచ్చిందో లేదో అంటూ ఆ చీరని తీసి మడతపెట్టి ఫస్ట్ టైం ఇచ్చిన గిఫ్ట్ వెనక్కి తీసుకోకూడదు అందుకే నా గుర్తుగా నీ దగ్గరే ఉంచు. ఈసారి నీకు మళ్ళీ మంచి గిఫ్ట్ ఇస్తాను అంటాడు.
Brahmamudi October 16 Today Episode: కళ్యాణ్ మాటలకు షాక్ అయినా అప్పు..
ఇప్పుడు నిన్ను ఎవరు గిఫ్ట్లు అడిగారు ఇంతకీ వచ్చిన పని ఏంటి అంటుంది అప్పు. ఎంగేజ్మెంట్ లేకుండానే నేరుగా పెళ్లి చేయటానికి అందరూ నిశ్చయించుకున్నారు అది చెప్పడానికే వచ్చాను అంటాడు కళ్యాణ్. నువ్వు అన్ని విషయాల్లోనే క్లారిటీగా ఉన్నావు, నేనే కన్ఫ్యూజ్ అయ్యాను అంటుంది అప్పు. అప్పుడు కళ్యాణ్ మాట్లాడిన మాటలకు షాక్ అవుతుంది. మరోవైపు కనకంతో పాటు భోజనం చేయడానికి ఇష్టపడని అపర్ణ భర్తతో అదే విషయాన్ని చెప్తుంది. ఎందుకు నీకు తనంటే ఇష్టం లేదు, అంటూ ఆమెకి చాలాసేపు నచ్చి చెప్తాడు సుభాష్. ఆ తరువాత అపర్ణకి శుభాష్ అర్థమయ్యే విధంగా నచ్చజెప్పి ఆమెను భోజనానికి తీసుకొని వెళ్తాడు. ఆ తర్వాత అందరూ కలిసి డైనింగ్ టేబుల్ దగ్గర కూర్చుని భోజనం చేస్తూ ఉండగా అప్పుడు కావ్య అమ్మ నువ్వు కూడా కూర్చో నేను వడ్డిస్తాను అని అంటుంది.
పర్లేదు కావ్య అనగా వెంటనే రుద్రాణి కనకంని అవమానిస్తూ నా గదిలో చాప ఉంది వెళ్లి తీసుకురా మీ అమ్మకు డైనింగ్ టేబుల్ అలవాటు లేదు కదా అన్నట్లు మాట్లాడుతుంది. వెంటనే రాజ్ కనకంని వెనకేసుకొస్తూ మాట్లాడుతూ వాళ్ళ ఇంట్లో కూడా డైనింగ్ టేబుల్ ఉంది అంటూ తన అత్తకి దిమ్మతిరిగే ఆన్సర్ ఇస్తాడు రాజ్.అప్పుడు రాజ్ మాటలకు కనకం ఆశ్చర్య పోతుంది. అప్పుడు కనకం వెళ్లి అపర్ణ పక్కన కూర్చొని ఉంటుంది. పక్కనే కనకాన్ని చూసి అసహ్యంగా ఫీల్ అవుతూ ఉంటుంది అపర్ణ. పర్వాలేదు రాజ్ అత్తగారిని ఎలా చూసుకోవాలో త్వరగానే నేర్చుకున్నావ్ అంటాడు సీతారామయ్య. రుద్రాణి కి అంతస్తులు చూడటం తప్పితే మర్యాదలు చేయడం తెలియదు అని చివాట్లు పెడతారు ప్రకాష్ దంపతులు.
