Ramgopal Varma: తెలుగు చిత్ర పరిశ్రమలో దర్శకుడుగా ఎంతో పేరు ప్రఖ్యాతలు సంపాదించుకున్న రాంగోపాల్ వర్మ ఒకప్పుడు ఎంతో అద్భుతమైన సినిమాలను ప్రేక్షకుల ముందుకు తీసుకువచ్చారు. అయితే ఈ మధ్యకాలంలో ఈయన తన సినిమాల ద్వారా పెద్ద ఎత్తున వార్తల్లో నిలుస్తున్నారు. ఇకపోతే వర్మ తాజాగా విజయవాడ ఆచార్య నాగార్జున యూనివర్సిటీ అకాడమిక్ ఎగ్జిబిషన్ కి గెస్ట్ గా వెళ్లిన వర్మకి.. యూనివర్సిటీ సత్కరించడమే ఆయన డిగ్రీ సర్టిఫికెట్ ను కూడా అందజేశారు. ఈ క్రమంలోనే వర్మ ఈ విషయాన్ని ట్విట్టర్ వేదికగా తెలియజేస్తూ చేసినటువంటి ట్వీట్స్ ప్రస్తుతం వైరల్ అవుతున్నాయి.

ఈ సందర్భంగా వర్మ తన ఇంజనీరింగ్ సర్టిఫికెట్ ఫోటోని ట్విటర్ వేదికగా షేర్ చేస్తూ.. బిటెక్ పాస్ అయిన 37 ఏళ్ళ తరువాత నా డిగ్రీ అందుకోవడం చాలా థ్రిల్ గా ఉంది. 1985 నుంచి ఎప్పుడు ఈ సివిల్ ఇంజనీరింగ్ డిగ్రీ పై ఆసక్తి కలగలేదు. థాంక్యూ ఆచార్య నాగార్జున యూనివర్సిటీ” అంటూ తన సెరిటిఫికేట్ షేర్చేశారు ప్రస్తుతం ఈ ట్వీట్ వైరల్ గా మారింది. ఇవే కాకుండా ఆచార్య యూనివర్సిటీ ప్రొఫెసర్లతో కలిసి దిగినటువంటి ఫోటోను షేర్ చేస్తూ ఎంతో గొప్ప చదువులు చదువుకున్న ప్రొఫెసర్ మధ్య చదువురాని నేను అంటూ మరొక ఫోటోని కూడా షేర్ చేస్తూ ట్వీట్ చేశారు.

Ramgopal Varma: సెకండ్ క్లాస్ లో పాస్ అయిన వర్మ…

ఇక ఈ కార్యక్రమానికి ముఖ్య అతిథిగా పాల్గొన్న వర్మ అక్కడ విద్యార్థులతో మాట్లాడుతూ ఉన్న ఫోటోని షేర్ చేశారు. ఇక ఈ ఫోటోని షేర్ చేస్తూ నేను వాళ్ళని చెడగొడదాం అని ట్రై చేస్తే వాళ్లే నన్ను చెడగొట్టారు అంటూ మరొక ట్వీట్ చేశారు. ప్రస్తుతం ఈ ట్వీట్ సోషల్ మీడియాలో వైరల్ గా మారింది. ఇక వర్మ షేర్ చేసిన తన సర్టిఫికెట్ కనుక చూస్తే ఈయన సెకండ్ క్లాస్ లో ఇంజనీరింగ్ పాస్ అయినట్టు తెలుస్తుంది.ఏది ఏమైనా ఇంజనీరింగ్ పూర్తి చేసిన 37 సంవత్సరాలకు సర్టిఫికెట్ అందుకోవడంతో ప్రతి ఒక్కరు ఎంతో ఆశ్చర్యం వ్యక్తం చేస్తున్నారు.

Akashavani

Hai I'm Akashavani, Film Journalist. I breathe and live entertainment. I love to watch serials and films from childhood-now I get paid for it. I worked in a few top media houses such as News18 Telugu,...