Zodiac Signs: ప్రతి ఒక్కరి జీవితంలో రాశులు చాలా ముఖ్యమైనది. ప్రతిరోజు ఎలా ఉంటుంది అనేది తెలుసుకోవటం, ఎవరికీ శుభం జరుగుతుంది.. ఎవరికి అశుభం జరుగుతుంది తెలుసుకోవటంలో బాగా ఆసక్తి చూపిస్తారు. కాబట్టి ఈ 12 రాశుల వారికి ఎలా ఉంటుందో ఈ రోజు రాశి ఫలాలు లో తెలుసుకుందాం.
zodiac signs: జనవరి 18, 2023 పంచాగం
తేది : 18, జనవరి 2023
సంవత్సరం : శుభకృతునామ సంవత్సరం
ఆయనం : ఉత్తరాయణం
మాసం : పుష్యమాసం
ఋతువు : హేమంత ఋతువు
వారము : బుధవారం
పక్షం : కృష్ణపక్షం
తిథి : ఏకాదశి సాయంత్రం 4.03ని.
నక్షత్రం : అనూరాధ సాయంత్రం 5.22ని.
వర్జ్యం : రాత్రి 10.29ని॥ నుంచి 11.57ని॥ వరకు
దుర్ముహూర్తం : ఉదయం 11.57ని నుండి 12.48ని.
రాహుకాలం : మధ్యాహ్నం 12.00 ని.ల నుంచి 1.30ని.ల వరకు
యమగండం : ఉదయం 7.18ని.ల నుంచి 8.58ని.ల వరకు
సూర్యోదయం : ఉదయం 6.53ని.లకు
సూర్యాస్తమయం : సాయంత్రం 5.59ని.ల వరకు
మేషరాశి: ఈ రాశి వారు సకాలంలో పనులు పూర్తి చేసినప్పటికీ కూడా కాస్త నిరాశ చెందుతారు. ముఖ్యమైన విషయాల గురించి బంధువులతో చర్చలు చేస్తారు. మనశ్శాంతి కోసం దైవదర్శనాలు వంటి ప్రయాణాలు చేయడం మంచిది. తొందరపడి నిర్ణయాలు తీసుకుంటారు.
వృషభరాశి: ఈ రాశి వారికి తమ తమ రంగాలలో మంచి ఫలితాలు ఉంటాయి. చేపట్టిన పనులలో స్పష్టత ఎక్కువగా ఉంటుంది. ముఖ్యమైన విషయాల గురించి ఇతరుల సలహాలు తీసుకోవడం మంచిది. సమయాన్ని ఎక్కువగా వృధా చేస్తూ ఉంటారు. ఆరోగ్యం అనుకూలంగా ఉంది.
మిథునరాశి: ఈ రాశి వారు ఆర్థికంగా ఎక్కువ లాభాలు అందుకుంటారు. మనోబలం కోసం ఆరాటపడుతూ ఉంటారు. మీరు మొదలు పెట్టిన పనులలో ఆటంకాలు కలగకుండా చూసుకోవాలి. ఇతరులతో కలిసి కొన్ని నిర్ణయాలు తీసుకోవడం వల్ల మంచి ఫలితాలు ఉంటాయి.
కర్కాటకరాశి: ఈ రాశి వారు ఏకాగ్రతతో పనులు చేయటం వల్ల మంచి ఫలితాలు ఉంటాయి. కొన్ని నిర్ణయాలు మిమ్మల్ని చాలా ఇబ్బంది పెడతాయి. మనశ్శాంతి కోల్పోయే అవకాశం ఉంది. ఇతరులతో మాట్లాడే ముందు మీ మాట విలువను కాపాడుకోవడం మంచిది.
సింహరాశి: ఈ రాశి వారు అనవసరమైన విషయాలలో గొడవ పడతారు. దీనివల్ల మీరు మనశ్శాంతి కోల్పోతారు. సమయాన్ని వృధా చేస్తారు. కొన్ని నిర్ణయాలు తీసుకునే ముందు అనుభవం ఉన్న వ్యక్తులతో మాట్లాడాలి. బంధువుల నుండి ఒక శుభవార్త వింటారు.
కన్యరాశి: ఈ రాశి వారు తీర్థయాత్రల వంటి ప్రయాణాలు చేస్తారు. జీవిత భాగస్వామితో సంతోషకరమైన సమయాన్ని గడుపుతారు. ఆర్థికంగా పొదుపు చేయడం మంచిది. ఇతరుల మాటలు ఎక్కువగా నమ్మకూడదు. చేపట్టిన పనులలో జాగ్రత్తగా ఉండాలి.
తులరాశి: ఈ రాశి వారికి ఆర్థికంగా లాభాలు ఎక్కువగా ఉన్నాయి. పిల్లల నుండి ఒక శుభవార్త వింటారు. దూరమైన బంధుత్వాలు దగ్గరవుతాయి. కొన్ని ప్రయాణాలు చేయాల్సి వస్తుంది. పట్టుదలతో అనుకున్న పనులు పూర్తి చేస్తారు. ఇతరులతో మాట్లాడేటప్పుడు జాగ్రత్తగా ఉండాలి.
వృశ్చికరాశి: ఈ రాశి వారు ఆదాయాన్ని కంటే ఎక్కువ ఖర్చు చేస్తారు. పిల్లల భవిష్యత్తు గురించి ఆలోచిస్తారు. ముఖ్యమైన విషయాలలో బాగా ఆలోచించాలి. శత్రువులకు దూరంగా ఉండాలి. చేపట్టిన పనులు పూర్తయ్యేలా చూసుకోవాలి. ఒంటరి ప్రయాణాలు చేయకూడదు.
ధనుస్సురాశి: ఈ రాశి వారు ఈరోజు చాలా సంతోషంగా ఉంటారు. కొన్ని కార్యక్రమాలలో పాల్గొంటారు. కీలక వ్యవహారాలలో ముందడుగు వేస్తారు. ఉద్యోగస్తులు పై అధికారుల ప్రశంసలు అందుకుంటారు. దూర ప్రయాణాలు చేయవలసి వస్తుంది. ఒక పరిచయం మరింత సంతోషాన్ని ఇస్తుంది.
మకరరాశి: ఈ రాశి వారు తమ తమ రంగాలలో ఇబ్బందులు ఎదుర్కోవాల్సి వస్తుంది. దీనిని ఎదుర్కొనే శక్తి ఉన్నప్పటికీ కూడా ముందుకు వెళ్లలేక పోతారు. ఇతరుల సహాయం కోసం ఎదురు చూడకూడదు. శత్రువులు మిత్రులు అవుతారు. కొన్ని గొడవలకు దూరంగా ఉండాలి.
కుంభరాశి: ఈ రాశి వారు తమ పని చేసే చోట ఒక శుభవార్త వింటారు. మీ బుద్ధి బలంతో అనుకున్న పనులు పూర్తవుతాయి. తోబుట్టువులతో కలిసి కొన్ని ప్రయాణాలు చేస్తారు. నిరుద్యోగులకు ఉద్యోగ అవకాశాలు ఉన్నాయి. కొన్ని విషయాలలో ఒత్తిడికి గురవుతారు.
మీనరాశి: ఈ రాశి వారు మంచి ఫలితాలు అందుకుంటారు. కొన్ని పనులల్లో ఆటంకాలు ఎదురైనప్పటికీ కూడా ధైర్యంగా ముందుకు కదులుతారు. ఇతరులకు ప్రమాణం చేసే విషయంలో ఆలోచించాలి. మీ వ్యక్తిగత విషయాలను ఇతరులతో పంచుకోకూడదు.
