Krishna Vrinda Vihari : రిలీజ్ డేట్: సెప్టెంబర్ 23, 2022
నటినటులు: నాగశౌర్య, షిర్లే సెటియా, రాధిక, వెన్నెల కిషోర్, రాహుల్ రామకృష్ణ, సత్య, బ్రహ్మాజీ తదితరులు.
డైరెక్టర్: అనీష్ ఆర్ కృష్ణ
నిర్మాతలు: ఉషా మూల్పూరి
మ్యూజిక్ డైరెక్టర్ : మహతి స్వర సాగర్
సినిమాటోగ్రఫీ: సాయి శ్రీరామ్
డైరెక్టర్ అనీష్ ఆర్ కృష్ణ దర్శకత్వంలో రూపొందిన సినిమా కృష్ణ వ్రింద విహారి. ఈ సినిమాలో నాగశౌర్య, షిర్లే సెటియా, రాధిక, వెన్నెల కిషోర్, రాహుల్ రామకృష్ణ, సత్య, బ్రహ్మాజీ తదితరులు నటించారు. ఇక ఈ సినిమాను ఐరా క్రియేషన్స్ బ్యానర్ పై ఉషా మూల్పూరి నిర్మాతగా బాధ్యతలు చేపట్టారు. మహతి స్వర సాగర్ సంగీతాన్ని అందించాడు. సాయి శ్రీరామ్ సినిమాటోగ్రఫీ అందించాడు. ఇక ఈ సినిమా నుండి ఇప్పటికే విడుదలైన ట్రైలర్, ఫస్ట్ లుక్ కొంతవరకు ప్రేక్షకులను ఆకట్టుకోగా.. ఈరోజు ప్రేక్షకుల ముందుకు వచ్చిన ఈ సినిమా కథపరంగా ప్రేక్షకులను ఎలా ఆకట్టుకుందో చూడాలి. అంతేకాకుండా మంచి సక్సెస్ కోసం ఎదురు చూస్తున్న నాగశౌర్యకు ఎటువంటి సక్సెస్ అందిందో చూడాలి. కొత్త హీరోయిన్ గా అడుగుపెట్టిన షిర్లే సెటియా తన తొలి నటనతో ఎలా ఆకట్టుకుందో చూడాలి.
కథ: కథ విషయానికి వస్తే ఇందులో నాగశౌర్య సాంప్రదాయ బ్రాహ్మణ కుర్రాడుగా కృష్ణ అనే పాత్రలో కనిపిస్తాడు. ఇక కృష్ణ తను పనిచేసే ఆఫీసులో నార్త్ అమ్మాయి వ్రింద (షిర్లే సెటియా) తో ప్రేమలో పడతాడు. ఇక ఆమెను ఒప్పించేందుకు చాలా ప్రయత్నాలు చేస్తాడు కృష్ణ. తర్వాత ఇద్దరికీ పెళ్లి కూడా అవుతుంది. ఇక పెళ్లి తర్వాత వీరు ఎదుర్కొన్న సవాలు ఏంటి.. వారి కుటుంబ సభ్యులు వీరి వివాహానికి ఎలా స్పందిస్తారు.. పైగా ఇద్దరి అభిరుచులు వేరున్న వీరు ఎలా మూవ్ అవుతారు అనేది మిగిలిన కథలోనిది.
ప్లస్ పాయింట్స్: నాగశౌర్య బ్రాహ్మణుడి కుర్రాడుగా బాగా మెప్పించాడు. తన లుక్స్ బాగా ఆకట్టుకున్నాయి. ఇక నటీనటుల మధ్య సన్నివేశాలు బాగా ఉన్నాయి. సంగీతం పరవాలేదు అన్నట్టుగా ఉంది. సెకండ్ హాఫ్ లో కొన్ని సన్నివేశాలు బాగానే ఉన్నాయి. కామెడీ కూడా పరవాలేదు.
మైనస్ పాయింట్స్: డైరెక్టర్ కథ విషయంలో కాస్త జాగ్రత్తపడేది ఉండే. కొన్ని సన్నివేశాలు లాజిక్ లేనట్లుగా అనిపించాయి. పాటలు కూడా మామూలుగానే ఉన్నాయని చెప్పవచ్చు.
Krishna Vrinda Vihari :
సాంకేతిక విభాగం: నిజానికి డైరెక్టర్ ఈ సినిమా కథ విషయంలో కాస్త నిరాశపరిచాడని చెప్పవచ్చు. సంగీతం కూడా ఆకట్టుకోలేకపోయింది. బ్యాక్గ్రౌండ్ స్కోర్ అంతగా ఆకట్టుకోలేదు. ఎడిటింగ్ లో చాలా లోపాలు ఉన్నాయి. సినిమాటోగ్రఫీ కూడా అంతగా మెప్పించలేకపోయింది.
చివరి మాట: చివరిగా చెప్పాల్సిందేంటంటే.. కథలు కొత్తదనం లేదు. టెక్నికల్ విలువలు కూడా అంతగా కనెక్ట్ కాలేదు అని చెప్పవచ్చు. ఇక ఈ సినిమా రొమాంటిక్ ఎంటర్టైన్మెంట్ అని చెప్పవచ్చు.
రేటింగ్: 2.5/5
